kuchh pane ki hasrat mein jal jaane chale aae

kuchh paane kī hasrat meñ jal jaane chale aa.e

parvānoñ kī bastī meñ dīvāne chale aa.e

qīmat bhī na mil paa.ī mujh ko mire ashkoñ kī

ḳhidmat meñ sitam-gar ke nazrāne chale aa.e

allāh sitam kaisā be-dard zamāne kā

be-yār sutūnoñ ko sab Dhāne chale aa.e

jab zabt na kar paa.e iflās kī shiddat ham

bāzār-e-ġhulāmāñ meñ bik jaane chale aa.e

ik buuñd ko tarse haiñ ham jaise yahāñ 'tashna'

un ke dar-e-ā.alī par mai-ḳhāne chale aa.e

kuchh pane ki hasrat mein jal jaane chale aae

parwanon ki basti mein diwane chale aae

qimat bhi na mil pai mujh ko mere ashkon ki

KHidmat mein sitam-gar ke nazrane chale aae

allah sitam kaisa be-dard zamane ka

be-yar sutunon ko sab Dhane chale aae

jab zabt na kar pae iflas ki shiddat hum

bazar-e-ghulaman mein bik jaane chale aae

ek bund ko tarse hain hum jaise yahan 'tashna'

un ke dar-e-aali par mai-KHane chale aae