kuchh taur nahin bachne ka zinhaar hamara

kuchh taur nahīñ bachne kā zinhār hamārā

jī le hī ke jāvegā ye āzār hamārā

kūche se tire kuuch hai ai yaar hamārā

jī le hī chalī hasrat-e-dīdār hamārā

tū ham ko uThā lījiyo us vaqt ilāhī

jis vaqt uThe pahlū se dildār hamārā

yaarā hai kahāñ itnā ki is yaar ko yaaro

maiñ ye kahūñ ai yaar hai tū yaar hamārā

ham pādshah-e-mumlikat-e-ishq haiñ nāhaq

mansūr sā maarā gayā sardār hamārā

kah dījiyo makhūlī ko ai gardish-e-tāle.a

haañ jaldī se lā taḳht-e-havā-dār hamārā

abrū kī tirī bait kī kyā baat va-lekin

hai aah kā misra bhī dhuāñ-dār hamārā

'ehsāñ' tū ġhazal fārsī hī apnī kahā kar

dil reḳhta tere se hai bezār hamārā

kuchh taur nahin bachne ka zinhaar hamara

ji le hi ke jawega ye aazar hamara

kuche se tere kuch hai ai yar hamara

ji le hi chali hasrat-e-didar hamara

tu hum ko uTha lijiyo us waqt ilahi

jis waqt uThe pahlu se dildar hamara

yara hai kahan itna ki is yar ko yaro

main ye kahun ai yar hai tu yar hamara

hum padshah-e-mumlikat-e-ishq hain nahaq

mansur sa mara gaya sardar hamara

kah dijiyo makhuli ko ai gardish-e-talea

han jaldi se la taKHt-e-hawa-dar hamara

abru ki teri bait ki kya baat wa-lekin

hai aah ka misra bhi dhuan-dar hamara

'ehsan' tu ghazal farsi hi apni kaha kar

dil reKHta tere se hai bezar hamara