kuchh to is dil ko saza di jae

kuchh to is dil ko sazā dī jaa.e

us kī tasvīr haTā dī jaa.e

DhūñDne meñ bhī maza aatā hai

koī shai rakh ke bhulā dī jaa.e

naam likh likh ke tirā kāġhaz par

raushnā.ī bhī girā dī jaa.e

naav kāġhaz kī banā kar us ko

bahte paanī meñ bahā dī jaa.e

raat ko chupke se ik ik ghar kī

kyuuñ na zanjīr lagā dī jaa.e

niiñd meñ chauñk paḌegā koī

aao us dar pe sadā dī jaa.e

āḳhirī saañs mahak jā.egī

us ke dāman kī havā dī jaa.e

sab ke sab yaad chale aate haiñ

aaj kis kis ko duā dī jaa.e

'alvī' hotel meñ Thahar saktā hai

kyuuñ use ghar meñ jagah dī jaa.e

kuchh to is dil ko saza di jae

us ki taswir haTa di jae

DhunDne mein bhi maza aata hai

koi shai rakh ke bhula di jae

nam likh likh ke tera kaghaz par

raushnai bhi gira di jae

naw kaghaz ki bana kar us ko

bahte pani mein baha di jae

raat ko chupke se ek ek ghar ki

kyun na zanjir laga di jae

nind mein chaunk paDega koi

aao us dar pe sada di jae

aaKHiri sans mahak jaegi

us ke daman ki hawa di jae

sab ke sab yaad chale aate hain

aaj kis kis ko dua di jae

'alwi' hotel mein Thahar sakta hai

kyun use ghar mein jagah di jae