kuchh to main bhi Dara Dara sa tha

kuchh to maiñ bhī Darā Darā sā thā

aur kuchh rāstā nayā sā thā

jhuuT aur sach ke darmiyāñ thā jo

aaj vo pul bhī TūTtā sā thā

jis se saare charāġh jalte the

vo charāġh aaj kuchh bujhā sā thā

raas aa.e na us ke rasm-o-rivāj

shahr ham se ḳhafā ḳhafā sā thā

but samajhte the jis ko saare log

vo mire vāste ḳhudā sā thā

kuchh to main bhi Dara Dara sa tha

aur kuchh rasta naya sa tha

jhuT aur sach ke darmiyan tha jo

aaj wo pul bhi TuTta sa tha

jis se sare charagh jalte the

wo charagh aaj kuchh bujha sa tha

ras aae na us ke rasm-o-riwaj

shahr hum se KHafa KHafa sa tha

but samajhte the jis ko sare log

wo mere waste KHuda sa tha