kuchh to mujhe mahbub tera gham bhi bahut hai

kuchh to mujhe mahbūb tirā ġham bhī bahut hai

kuchh terī tavajjoh kī nazar kam bhī bahut hai

ashkoñ se bhī khultā hai vo dil jo hai girafta

kaliyoñ ke liye qatra-e-shabnam bhī bahut hai

ham ḳhud hī nahīñ chāhte sayyād se bachnā

sāzish nigah-o-dil kī munazzam bhī bahut hai

hai rishta-e-duzdīda-nigāhī bhī ajab shai

qaa.em ye havā par bhī hai mohkam bhī bahut hai

Dhaa.e dil-e-nāzuk pe bahut us ne sitam bhī

phir lutf ye hai mujh pe vo barham bhī bahut hai

ye turfa-tamāsha hai kiyā qatl bhī mujh ko

aur phir mire marne kā unheñ ġham bhī bahut hai

paḌte haiñ sitamgar ke zarā vaar bhī ochhe

aur 'fazlī'-e-bismil meñ zarā dam bhī bahut hai

kuchh to mujhe mahbub tera gham bhi bahut hai

kuchh teri tawajjoh ki nazar kam bhi bahut hai

ashkon se bhi khulta hai wo dil jo hai girafta

kaliyon ke liye qatra-e-shabnam bhi bahut hai

hum KHud hi nahin chahte sayyaad se bachna

sazish nigah-o-dil ki munazzam bhi bahut hai

hai rishta-e-duzdida-nigahi bhi ajab shai

qaem ye hawa par bhi hai mohkam bhi bahut hai

Dhae dil-e-nazuk pe bahut us ne sitam bhi

phir lutf ye hai mujh pe wo barham bhi bahut hai

ye turfa-tamasha hai kiya qatl bhi mujh ko

aur phir mere marne ka unhen gham bhi bahut hai

paDte hain sitamgar ke zara war bhi ochhe

aur 'fazli'-e-bismil mein zara dam bhi bahut hai