kuchh to sachchai ke shahkar nazar mein aate
kuchh to sachchā.ī ke shahkār nazar meñ aate
kaash ham log na ḳhvāboñ ke asar meñ aate
ham ne is ḳhauf se ḳhākoñ ko mukammal na kiyā
shaam ke rañg bhī tasvīr-e-sahar meñ aate
jab ki har rauzan-e-dīvār namak-dāñ Thahrā
kaise majrūh ujāle mire ghar meñ aate
so.e-panghaT pe jamī barf pighal saktī thī
pyāse sūraj to kabhī mere nagar meñ aate
ajnabiyat ke darīchoñ meñ khulī thiiñ āñkheñ
kis ke saa.e mire ḳhvāboñ ke khañDar meñ aate
kuchh to sachchai ke shahkar nazar mein aate
kash hum log na KHwabon ke asar mein aate
hum ne is KHauf se KHakon ko mukammal na kiya
sham ke rang bhi taswir-e-sahar mein aate
jab ki har rauzan-e-diwar namak-dan Thahra
kaise majruh ujale mere ghar mein aate
soe-panghaT pe jami barf pighal sakti thi
pyase suraj to kabhi mere nagar mein aate
ajnabiyat ke darichon mein khuli thin aankhen
kis ke sae mere KHwabon ke khanDar mein aate
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
