kuchh tujhko KHabar hai hum kya kya ai shorish-e-dauran bhul gae

kuchh tujh ko ḳhabar hai ham kyā kyā ai shorish-e-daurāñ bhuul ga.e

vo zulf-e-pareshāñ bhuul ga.e vo dīda-e-giryāñ bhuul ga.e

ai shauq-e-nazāra kyā kahiye nazroñ meñ koī sūrat hī nahīñ

ai zauq-e-tasavvur kyā kiije ham sūrat-e-jānāñ bhuul ga.e

ab gul se nazar miltī hī nahīñ ab dil kī kalī khiltī hī nahīñ

ai fasl-e-bahārāñ ruḳhsat ho ham lutf-e-bahārāñ bhuul ga.e

sab kā to mudāvā kar Daalā apnā hī mudāvā kar na sake

sab ke to garebāñ sī Daale apnā hī garebāñ bhuul ga.e

ye apnī vafā kā aalam hai ab un kī jafā ko kyā kahiye

ik nishtar-e-zahr-āgīñ rakh kar nazdīk-e-rag-e-jāñ bhuul ga.e

kuchh tujh ko KHabar hai hum kya kya ai shorish-e-dauran bhul gae

wo zulf-e-pareshan bhul gae wo dida-e-giryan bhul gae

ai shauq-e-nazara kya kahiye nazron mein koi surat hi nahin

ai zauq-e-tasawwur kya kije hum surat-e-jaanan bhul gae

ab gul se nazar milti hi nahin ab dil ki kali khilti hi nahin

ai fasl-e-bahaaran ruKHsat ho hum lutf-e-bahaaran bhul gae

sab ka to mudawa kar Dala apna hi mudawa kar na sake

sab ke to gareban si Dale apna hi gareban bhul gae

ye apni wafa ka aalam hai ab un ki jafa ko kya kahiye

ek nishtar-e-zahr-agin rakh kar nazdik-e-rag-e-jaan bhul gae