kuchh usko yaad karun us ka intizar karun

kuchh us ko yaad karūñ us kā intizār karūñ

bahut sukūt hai maiñ ḳhud ko be-qarār karūñ

bharūñ maiñ rañg na.e muzmahil tamannā meñ

udaas raat ko āsūda-e-bahār karūñ

kuchh aur chaah baḌhā.ūñ kuchh aur dard sahūñ

jo mujh se duur hai yuuñ us ko ham-kanār karūñ

vafā ke naam pe kyā kyā jafā.eñ hotī rahīñ

maiñ har libās-e-jafā aaj taar taar karūñ

vo merī raah meñ kāñTe bichhā.e maiñ lekin

usī ko pyaar karūñ us pe e'tibār karūñ

ye mere ḳhvāb mirī zindagī kā sarmāya

na kyuuñ ye ḳhvāb bhī maiñ aaj nazr-e-yār karūñ

kuchh us ko yaad karun us ka intizar karun

bahut sukut hai main KHud ko be-qarar karun

bharun main rang nae muzmahil tamanna mein

udas raat ko aasuda-e-bahaar karun

kuchh aur chah baDhaun kuchh aur dard sahun

jo mujh se dur hai yun us ko ham-kanar karun

wafa ke nam pe kya kya jafaen hoti rahin

main har libas-e-jafa aaj tar tar karun

wo meri rah mein kanTe bichhae main lekin

usi ko pyar karun us pe e'tibar karun

ye mere KHwab meri zindagi ka sarmaya

na kyun ye KHwab bhi main aaj nazr-e-yar karun