kufr-e-ishq aaya badal mujh momin-e-din-dar tak

kufr-e-ishq aayā badal mujh momin-e-dīñ-dār tak

naubat-e-bā-sandal-o-qashqa hai bal zunnār tak

ashT kā ashlok ik rāhib ne but-ḳhāne ke biich

mujh ko batlāyā ki bhūlā ġhair zikr-azkār tak

sho.abada duniyā kā kam fursat bahut hai juuñ hubāb

zindagī hai tā-zamāna va.ada-e-iqrār tak

kaam hai matlab se chāhe kufr hove yā ki diiñ

jā pahuñchtā hai kisī sūrat se apne yaar tak

'āfrīdī' chhoḌ mat hargiz dar-e-pīr-e-muġhāñ

haath aave duḳhtar-e-raz sāġhar-e-sarshār tak

kufr-e-ishq aaya badal mujh momin-e-din-dar tak

naubat-e-ba-sandal-o-qashqa hai bal zunnar tak

ashT ka ashlok ek rahib ne but-KHane ke bich

mujh ko batlaya ki bhula ghair zikr-azkar tak

shoabada duniya ka kam fursat bahut hai jun hubab

zindagi hai ta-zamana wada-e-iqrar tak

kaam hai matlab se chahe kufr howe ya ki din

ja pahunchta hai kisi surat se apne yar tak

'afridi' chhoD mat hargiz dar-e-pir-e-mughan

hath aawe duKHtar-e-raz saghar-e-sarshaar tak