kufr momin hai na karna dil-baran se iKHtilat
kufr momin hai na karnā dil-barāñ se iḳhtilāt
kar liyā ka.abe ne bhī kai din butāñ se iḳhtilāt
banda us bulbul kā huuñ jo bū-e-gul ke vāste
garm rakkhe haa.e har ḳhār-e-ḳhizāñ se iḳhtilāt
ḳhāksāroñ kī hai ulfat rahravān-e-ishq se
jaise gard-e-rāh kā hai kārvāñ se iḳhtilāt
kyuuñ na hove puḳhta o bar-jasta raushan dil kā sher
duud o sho.ale sā suḳhan ko hai zabāñ se iḳhtilāt
dil-shikan ke vāste dast-e-duā 'uzlat' uThā.e
jaise ġhunche kā nasīm-e-gulsitāñ se iḳhtilāt
kufr momin hai na karna dil-baran se iKHtilat
kar liya kabe ne bhi kai din butan se iKHtilat
banda us bulbul ka hun jo bu-e-gul ke waste
garm rakkhe hae har KHar-e-KHizan se iKHtilat
KHaksaron ki hai ulfat rahrawan-e-ishq se
jaise gard-e-rah ka hai karwan se iKHtilat
kyun na howe puKHta o bar-jasta raushan dil ka sher
dud o shoale sa suKHan ko hai zaban se iKHtilat
dil-shikan ke waste dast-e-dua 'uzlat' uThae
jaise ghunche ka nasim-e-gulsitan se iKHtilat
- Deewan-e-uzlat(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
