kun ke kahne mein jo hua so hua

kun ke kahne meñ jo huā so huā

raañD ronā na ro huā so huā

jo azal meñ qalam chalī so chalī

bad huā yā niko huā so huā

rañj o rāhat meñ iḳhtiyār nahīñ

raazī ho yā na ho huā so huā

yuuñ na ho yuuñ ho yuuñ huā so kyuuñ

kyā hai ye guftugū huā so huā

shikva qismat kā shikva-e-haq hai

bak na ḳhāmosh ho huā so huā

haath aatā nahīñ baġhair nasīb

paañv phailā ke so huā so huā

jo muqaddar thā ho chukā 'hātim'

fikr meñ dam na kho huā so huā

kun ke kahne mein jo hua so hua

ranD rona na ro hua so hua

jo azal mein qalam chali so chali

bad hua ya niko hua so hua

ranj o rahat mein iKHtiyar nahin

raazi ho ya na ho hua so hua

yun na ho yun ho yun hua so kyun

kya hai ye guftugu hua so hua

shikwa qismat ka shikwa-e-haq hai

bak na KHamosh ho hua so hua

hath aata nahin baghair nasib

panw phaila ke so hua so hua

jo muqaddar tha ho chuka 'hatim'

fikr mein dam na kho hua so hua