kunj-e-izzat se uTho subh-e-bahaaran dekho

kunj-e-izzat se uTho sub.h-e-bahārāñ dekho

dosto naġhmagaro raqs-e-ġhazālāñ dekho

miT gayā rāh-guzāroñ se har ik naqsh-e-ḳhizāñ

varaq-e-gul pe likhe ab na.e unvāñ dekho

mutribāñ bahr-e-qadam-bosī-e-shīrīñ-suḳhanāñ

mahfil-e-gul meñ chalo jashn-e-bahārāñ dekho

muzhda phir ḳhāk-e-ḳhizāñ-rañg kī qismat jaagī

aa gayā jhuum ke abr-e-guhar-afshāñ dekho

ham-navā ho ke mire tum bhī ġhazal-ḳhvāñ ho jaao

jo lab-e-jū-e-ravāñ sarv-ḳhirāmāñ dekho

ye julūs-e-gul-o-raihāñ hai kahāñ na.ara-zanāñ

uTh ke darvāze se bāhar to mirī jaañ dekho

kunj-e-izzat se uTho subh-e-bahaaran dekho

dosto naghmagaro raqs-e-ghazalan dekho

miT gaya rah-guzaron se har ek naqsh-e-KHizan

waraq-e-gul pe likhe ab nae unwan dekho

mutriban bahr-e-qadam-bosi-e-shirin-suKHanan

mahfil-e-gul mein chalo jashn-e-bahaaran dekho

muzhda phir KHak-e-KHizan-rang ki qismat jagi

aa gaya jhum ke abr-e-guhar-afshan dekho

ham-nawa ho ke mere tum bhi ghazal-KHwan ho jao

jo lab-e-ju-e-rawan sarw-KHiraman dekho

ye julus-e-gul-o-raihan hai kahan nara-zanan

uTh ke darwaze se bahar to meri jaan dekho