kya faeda nahaq sitam itna na karo tum

kyā fā.eda nāhaq sitam itnā na karo tum

haq se to Daro gar mirī parvā na karo tum

ye zulm jo tum karte ho bejā nahīñ goyā

kahte ho mujhe shikva-e-be-jā na karo tum

kahte haiñ ki vo bhī yahī kahte haiñ karūñ kyā

kahte ho ki dil-jūi-e-ādā na karo tum

ham tum ko burā kahte haiñ yā ḳhū ko tumhārī

so ḳhū ke bhī achchhe sahī jhagḌā na karo tum

tum pesh-rav-e-ahl-e-ḳharābāt ho 'nāzim'

andesha-e-dīn-o-ġham-e-duniyā na karo tum

kya faeda nahaq sitam itna na karo tum

haq se to Daro gar meri parwa na karo tum

ye zulm jo tum karte ho beja nahin goya

kahte ho mujhe shikwa-e-be-ja na karo tum

kahte hain ki wo bhi yahi kahte hain karun kya

kahte ho ki dil-jui-e-ada na karo tum

hum tum ko bura kahte hain ya KHu ko tumhaari

so KHu ke bhi achchhe sahi jhagDa na karo tum

tum pesh-raw-e-ahl-e-KHarabaat ho 'nazim'

andesha-e-din-o-gham-e-duniya na karo tum