kya fash karun gham-e-nihan ko

kyā faash karūñ ġham-e-nihāñ ko

pāyāñ nahīñ merī dāstāñ ko

qisse ko na pūchho mere hargiz

yaarā hī nahīñ dil-o-zabāñ ko

darpai haiñ nasīhatoñ ke yārab

samjhā.ūñ maiñ kyuuñ ke dostāñ ko

go ham ne silāyā jeb-o-dāmāñ

kyā kījiyegā chashm-e-ḳhūñ-fishāñ ko

ho gar na vo sham.a-rū hī to phir

kyā aag lagā.ūñ dūd-māñ ko

guzrā thā udhar se kal jo shāyad

aayā thā vo mere imtihāñ ko

aa.e to abhī the mere sāhab

aisī jaldī chale kahāñ ko

ai yaaro samajh ke bolo us bin

maiñ jā.ūñgā bāġh-o-bostāñ ko

'āsif' abhī maiñ ne kyā kahā thā

Tuk band nahīñ tirī zabāñ ko

kya fash karun gham-e-nihan ko

payan nahin meri dastan ko

qisse ko na puchho mere hargiz

yara hi nahin dil-o-zaban ko

darpai hain nasihaton ke yarab

samjhaun main kyun ke dostan ko

go hum ne silaya jeb-o-daman

kya kijiyega chashm-e-KHun-fishan ko

ho gar na wo shama-ru hi to phir

kya aag lagaun dud-man ko

guzra tha udhar se kal jo shayad

aaya tha wo mere imtihan ko

aae to abhi the mere sahab

aisi jaldi chale kahan ko

ai yaro samajh ke bolo us bin

main jaunga bagh-o-bostan ko

'asif' abhi main ne kya kaha tha

Tuk band nahin teri zaban ko