kya gham hai agar shikwa-e-gham aam hai pyare

kyā ġham hai agar shikva-e-ġham aam hai pyāre

tū dil ko dukhā terā yahī kaam hai pyāre

tere hī tabassum kā sahar naam hai pyāre

tū khol de gesū to abhī shaam hai pyāre

is vaqt tirā jān-e-jahāñ naam hai pyāre

jo kaam tū kar de vo baḌā kaam hai pyāre

jab pyaar kiyā chain se kyā kaam hai pyāre

is meñ to taḌapne hī meñ ārām hai pyāre

chhūTī hai na chūTegī kabhī pyaar kī aadat

maiñ ḳhuub samajhtā huuñ jo anjām hai pyāre

ai kaash mirī baat samajh meñ tirī aa.e

merī jo ġhazal hai mirā paiġhām hai pyāre

maiñ huuñ jahāñ sau fikr meñ sau rañj meñ sau dard

tū hai jahāñ ārām hī ārām hai pyāre

go maiñ ne kabhī apnī zabāñ par nahīñ laayā

sab jaan rahe haiñ tirā kyā naam hai pyāre

ham dil ko lagā kar bhī khaTakte haiñ diloñ meñ

tū dil ko dikhā kar bhī dil-ārām hai pyāre

kahtā huuñ ġhazal aur rahā kartā huuñ sarshār

merā yahī shīsha hai yahī jaam hai pyāre

kya gham hai agar shikwa-e-gham aam hai pyare

tu dil ko dukha tera yahi kaam hai pyare

tere hi tabassum ka sahar nam hai pyare

tu khol de gesu to abhi sham hai pyare

is waqt tera jaan-e-jahan nam hai pyare

jo kaam tu kar de wo baDa kaam hai pyare

jab pyar kiya chain se kya kaam hai pyare

is mein to taDapne hi mein aaram hai pyare

chhuTi hai na chuTegi kabhi pyar ki aadat

main KHub samajhta hun jo anjam hai pyare

ai kash meri baat samajh mein teri aae

meri jo ghazal hai mera paigham hai pyare

main hun jahan sau fikr mein sau ranj mein sau dard

tu hai jahan aaram hi aaram hai pyare

go main ne kabhi apni zaban par nahin laya

sab jaan rahe hain tera kya nam hai pyare

hum dil ko laga kar bhi khaTakte hain dilon mein

tu dil ko dikha kar bhi dil-aram hai pyare

kahta hun ghazal aur raha karta hun sarshaar

mera yahi shisha hai yahi jam hai pyare