kya gham jo falak se koi utra na sar-e-KHak

kyā ġham jo falak se koī utrā na sar-e-ḳhāk

juz ḳhaak nahīñ koī yahāñ chāra-gar-e-ḳhāk

miltī hai sharāboñ kī jagah gard-e-bayābāñ

mai-ḳhāne ko jaate haiñ to khultā hai dar-e-ḳhāk

sahrā ko gulistān baḌe shauq se kah lo

ya.anī shajar-e-ḳhāk se toḌo samar-e-ḳhāk

darmān-e-mohabbat hai nishān-e-kaf-e-pā bhī

āñkhoñ se lagā kar kabhī dekho asar-e-ḳhāk

āġhosh-e-lahad pahlū-e-mādar se sivā hai

kis ḳhauf se larzāñ hai tū ai be-ḳhabar-e-ḳhāk

be-maqsadī-e-dahr kā maz.har hai tasāhul

karne ko na ho kaam to insān kare ḳhaak

lālach kī nazar kaun kisī shaḳhs ko dekhe

āñkhoñ ke vare ḳhaak hai āñkhoñ ke pare ḳhaak

hai kaun jo phūloñ kī tamannā nahīñ rakhtā

ik 'sayyad'-e-dīvāna ki dāman meñ bhare ḳhaak

kya gham jo falak se koi utra na sar-e-KHak

juz KHak nahin koi yahan chaara-gar-e-KHak

milti hai sharabon ki jagah gard-e-bayaban

mai-KHane ko jate hain to khulta hai dar-e-KHak

sahra ko gulistan baDe shauq se kah lo

yani shajar-e-KHak se toDo samar-e-KHak

darman-e-mohabbat hai nishan-e-kaf-e-pa bhi

aankhon se laga kar kabhi dekho asar-e-KHak

aaghosh-e-lahad pahlu-e-madar se siwa hai

kis KHauf se larzan hai tu ai be-KHabar-e-KHak

be-maqsadi-e-dahr ka mazhar hai tasahul

karne ko na ho kaam to insan kare KHak

lalach ki nazar kaun kisi shaKHs ko dekhe

aankhon ke ware KHak hai aankhon ke pare KHak

hai kaun jo phulon ki tamanna nahin rakhta

ek 'sayyad'-e-diwana ki daman mein bhare KHak