kya hai mere dil ki haalat waqai kaise kahun

kyā hai mere dil kī hālat vāqa.ī kaise kahūñ

kyuuñ hai merī aañkh meñ itnī namī kaise kahūñ

merī ik ik saañs pe haq hai mire allāh kā

maiñ bhalā is zindagī ko aap kī kaise kahūñ

kaun hai merā muḳhālif kis ne kī hai muḳhbirī

jāntā huuñ maiñ batā.ūñgā abhī kaise kahūñ

shā.erī to vārdāt-e-qalb kī rūdād hai

qāfiya-paimā.ī ko maiñ shā.erī kaise kahūñ

ye jo mere ghar ke jalne se huī hai chār-sū

log kahte haiñ kaheñ maiñ raushnī kaise kahūñ

sāmne aayā to 'nāzim' us ne pahchānā nahīñ

facebōk kī dostī ko dostī kaise kahūñ

kya hai mere dil ki haalat waqai kaise kahun

kyun hai meri aankh mein itni nami kaise kahun

meri ek ek sans pe haq hai mere allah ka

main bhala is zindagi ko aap ki kaise kahun

kaun hai mera muKHalif kis ne ki hai muKHbiri

jaanta hun main bataunga abhi kaise kahun

shaeri to wardat-e-qalb ki rudad hai

qafiya-paimai ko main shaeri kaise kahun

ye jo mere ghar ke jalne se hui hai chaar-su

log kahte hain kahen main raushni kaise kahun

samne aaya to 'nazim' us ne pahchana nahin

facebook ki dosti ko dosti kaise kahun