kya ho ki meri zindagi se tu nikal sake

kyā ho ki merī zindagī se tū nikal sake

jis se ki mere dard kā pahlū nikal sake

darkār is liye hai mujhe dūsrā badan

us kī dil-o-dimāġh se ḳhushbū nikal sake

sab apnī apnī lāshoñ ko mandir meñ le chalo

shāyad ḳhudā kī aañkh se aañsū nikal sake

gahrī huiiñ jaḌeñ to ye shāḳheñ harī huiiñ

paaoñ jame to peḌ ke baazū nikal sake

maiñ us ke baa'd sirf inhīñ koshishoñ meñ huuñ

gardan se us ke naam kā tattō nikal sake

apnī hatheliyoñ meñ ye āñkheñ nichoḌ luuñ

mumkin hai tere hijr se chullū nikal sake

maiñ chāhtā huuñ raat meñ sūraj-mukhī khile

maiñ chāhtā huuñ din meñ bhī jugnū nikal sake

kya ho ki meri zindagi se tu nikal sake

jis se ki mere dard ka pahlu nikal sake

darkar is liye hai mujhe dusra badan

us ki dil-o-dimagh se KHushbu nikal sake

sab apni apni lashon ko mandir mein le chalo

shayad KHuda ki aankh se aansu nikal sake

gahri huin jaDen to ye shaKHen hari huin

paon jame to peD ke bazu nikal sake

main us ke ba'd sirf inhin koshishon mein hun

gardan se us ke nam ka tattoo nikal sake

apni hatheliyon mein ye aankhen nichoD lun

mumkin hai tere hijr se chullu nikal sake

main chahta hun raat mein suraj-mukhi khile

main chahta hun din mein bhi jugnu nikal sake