aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kya hua humse jo duniya bad-guman hone lagi

Mohammad Yaqoob Aamir

kya hua humse jo duniya bad-guman hone lagi

Mohammad Yaqoob Aamir

MORE BYMohammad Yaqoob Aamir

    kyā huā ham se jo duniyā bad-gumāñ hone lagī

    apnī hastī aur bhī nazdīk-e-jāñ hone lagī

    dhīre dhīre sar meñ aa kar bhar gayā barsoñ shor

    rafta rafta ārzu-e-dil dhuāñ hone lagī

    baaġh se aa.e ho merā ghar bhī chal kar dekh lo

    ab bahāroñ ke dinoñ meñ bhī ḳhizāñ hone lagī

    chand logoñ farāġhat shahr chehra nahīñ

    ye haqīqat sab ke chehroñ se ayaañ hone lagī

    yaad hai ab tak kisī ke saath ik shām-e-visāl

    phir vo rāteñ jab dam-e-ruḳhsat azaañ hone lagī

    bād-e-nafrat phir mohabbat ko zabāñ darkār hai

    phir azīz-e-jāñ vahī urdu zabāñ hone lagī

    zikr tūfān-e-havādis chhiḌā jo ek din

    hote hote dāstāñ merī bayāñ hone lagī

    saḳht manzil kaaT kar ham jab hue kuchh sust-pā

    tez-rau kuchh aur bhī umr-e-ravāñ hone lagī

    chhū rahī hai āsmānoñ bulandī phir nazar

    phir hamārī zindagī anjum-nishāñ hone lagī

    lo yaqīñ aayā ki dil ke dard tāsīr hai

    ab to ik ik chiiz ham se ham-zabāñ hone lagī

    ghar mehnat se mirī raushan hue aivān-e-zar

    raushnī honī kahāñ thī aur kahāñ hone lagī

    sach kahūñ 'āmir' ki ab us daur meñ jiite ho tum

    rasm-e-ulfat bhī jahāñ suud o ziyāñ hone lagī

    kya hua hum se jo duniya bad-guman hone lagi

    apni hasti aur bhi nazdik-e-jaan hone lagi

    dhire dhire sar mein aa kar bhar gaya barson ka shor

    rafta rafta aarzu-e-dil dhuan hone lagi

    bagh se aae ho mera ghar bhi chal kar dekh lo

    ab bahaaron ke dinon mein bhi KHizan hone lagi

    chand logon ki faraghat shahr ka chehra nahin

    ye haqiqat sab ke chehron se ayan hone lagi

    yaad hai ab tak kisi ke sath ek sham-e-visal

    phir wo raaten jab dam-e-ruKHsat azan hone lagi

    baad-e-nafrat phir mohabbat ko zaban darkar hai

    phir aziz-e-jaan wahi urdu zaban hone lagi

    zikr tufan-e-hawadis ka chhiDa jo ek din

    hote hote dastan meri bayan hone lagi

    saKHt manzil kaT kar hum jab hue kuchh sust-pa

    tez-rau kuchh aur bhi umr-e-rawan hone lagi

    chhu rahi hai aasmanon ki bulandi phir nazar

    phir hamari zindagi anjum-nishan hone lagi

    lo yaqin aaya ki dil ke dard ki tasir hai

    ab to ek ek chiz hum se ham-zaban hone lagi

    ghar ki mehnat se meri raushan hue aiwan-e-zar

    raushni honi kahan thi aur kahan hone lagi

    sach kahun 'amir' ki ab us daur mein jite ho tum

    rasm-e-ulfat bhi jahan sud o ziyan hone lagi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now