kya hua jo sitare chamakte nahin dagh dil ke farozan karo dosto
kya hua jo sitare chamakte nahin dagh dil ke farozan karo dosto
Sufi Ghulam Mustafa Tabassum
MORE BYSufi Ghulam Mustafa Tabassum
kyā huā jo sitāre chamakte nahīñ daaġh dil ke farozāñ karo dosto
sub.h-e-ishrat pareshāñ huī so huī shām-e-ġham to na vīrāñ karo dosto
nā-shanāsāoñ kī turfa ġham-ḳhvāriyāñ ġham ke māroñ kā sab se baḌā rog hai
duur ulfat kī chāragarī ho na ho pahle is dukh kā darmāñ karo dosto
tilmilātī raheñ hijr kī kulfateñ jām-o-mīnā kī sar-mastiyāñ kyā huiiñ
ab ye mai bhī ġhamoñ kā mudāvā nahīñ ab koī aur sāmāñ karo dosto
merī ulfat kī sun sun ke rusvā.iyāñ log karte haiñ aapas meñ sargoshiyāñ
tum agar ittifāqan suno chup raho mujh pe ye ek ehsāñ karo dosto
kya hua jo sitare chamakte nahin dagh dil ke farozan karo dosto
subh-e-ishrat pareshan hui so hui sham-e-gham to na viran karo dosto
na-shanasaon ki turfa gham-KHwariyan gham ke maron ka sab se baDa rog hai
dur ulfat ki chaaragari ho na ho pahle is dukh ka darman karo dosto
tilmilati rahen hijr ki kulfaten jam-o-mina ki sar-mastiyan kya huin
ab ye mai bhi ghamon ka mudawa nahin ab koi aur saman karo dosto
meri ulfat ki sun sun ke ruswaiyan log karte hain aapas mein sargoshiyan
tum agar ittifaqan suno chup raho mujh pe ye ek ehsan karo dosto
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
