kya hua usne jo aashiq se jafakari ki

kyā huā us ne jo āshiq se jafākārī kī

ruuh ne jabki na qālib se vafādārī kī

lambī dāḌhī bhī kisī haath se rusvā hogī

hazrat-e-shaiḳh sazā pā.eñge makkārī kī

tū vo zālim hai gayā naaz se itrā ke jo vaañ

dāvar-e-hashr ne bhī terī taraf-dārī kī

daaġh raushan mire siine pe jo dekhe us ne

mohr-e-pur-nūr pe bhaptī kahī chiñgārī kī

ġham-e-majnūñ meñ siyah-posh banī hai lailā

ai junūñ ye shab-e-hijrāñ kī nahīñ tārīkī

sun liyā naam vafā kā hai kisī āshiq se

jaan ab kaahe ko chhoḌeñge vafādārī kī

ek tauba ke sivā kuchh na kiyā ham ne 'vasīm'

afv ke haath hai ab sharm gunahgārī kī

kya hua us ne jo aashiq se jafakari ki

ruh ne jabki na qalib se wafadari ki

lambi daDhi bhi kisi hath se ruswa hogi

hazrat-e-shaiKH saza paenge makkari ki

tu wo zalim hai gaya naz se itra ke jo wan

dawar-e-hashr ne bhi teri taraf-dari ki

dagh raushan mere sine pe jo dekhe us ne

mohr-e-pur-nur pe bhapti kahi chingari ki

gham-e-majnun mein siyah-posh bani hai laila

ai junun ye shab-e-hijran ki nahin tariki

sun liya nam wafa ka hai kisi aashiq se

jaan ab kahe ko chhoDenge wafadari ki

ek tauba ke siwa kuchh na kiya hum ne 'wasim'

afw ke hath hai ab sharm gunahgari ki