kya jaane kis ki pyas bujhane kidhar gain
kyā jaane kis kī pyaas bujhāne kidhar ga.iiñ
is sar pe jhuum ke jo ghaTā.eñ guzar ga.iiñ
dīvāna pūchhtā hai ye lahroñ se baar baar
kuchh bastiyāñ yahāñ thiiñ batāo kidhar ga.iiñ
ab jis taraf se chāhe guzar jaa.e kārvāñ
vīrāniyāñ to sab mire dil meñ utar ga.iiñ
paimāna TūTne kā koī ġham nahīñ mujhe
ġham hai to ye ki chāñdnī rāteñ bikhar ga.iiñ
paayā bhī un ko kho bhī diyā chup bhī ho rahe
ik muḳhtasar sī raat meñ sadiyāñ guzar ga.iiñ
kya jaane kis ki pyas bujhane kidhar gain
is sar pe jhum ke jo ghaTaen guzar gain
diwana puchhta hai ye lahron se bar bar
kuchh bastiyan yahan thin batao kidhar gain
ab jis taraf se chahe guzar jae karwan
viraniyan to sab mere dil mein utar gain
paimana TuTne ka koi gham nahin mujhe
gham hai to ye ki chandni raaten bikhar gain
paya bhi un ko kho bhi diya chup bhi ho rahe
ek muKHtasar si raat mein sadiyan guzar gain
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
