kya kare meri masihai bhi karne wala

kyā kare merī masīhā.ī bhī karne vaalā

zaḳhm hī ye mujhe lagtā nahīñ bharne vaalā

zindagī se kisī samjhaute ke bā-vasf ab tak

yaad aatā hai koī mārne marne vaalā

us ko bhī ham tire kūche meñ guzār aa.e haiñ

zindagī meñ vo jo lamha thā sañvarne vaalā

us kā andāz-e-suḳhan sab se judā thā shāyad

baat lagtī huī lahja vo mukarne vaalā

shaam hone ko hai aur aañkh meñ ik ḳhvāb nahīñ

koī is ghar meñ nahīñ raushnī karne vaalā

dastaras meñ haiñ anāsir ke irāde kis ke

so bikhar ke hī rahā koī bikharne vaalā

isī ummīd pe har shaam bujhā.e haiñ charāġh

ek taarā hai sar-e-bām ubharne vaalā

kya kare meri masihai bhi karne wala

zaKHm hi ye mujhe lagta nahin bharne wala

zindagi se kisi samjhaute ke ba-wasf ab tak

yaad aata hai koi marne marne wala

us ko bhi hum tere kuche mein guzar aae hain

zindagi mein wo jo lamha tha sanwarne wala

us ka andaz-e-suKHan sab se juda tha shayad

baat lagti hui lahja wo mukarne wala

sham hone ko hai aur aankh mein ek KHwab nahin

koi is ghar mein nahin raushni karne wala

dastaras mein hain anasir ke irade kis ke

so bikhar ke hi raha koi bikharne wala

isi ummid pe har sham bujhae hain charagh

ek tara hai sar-e-baam ubharne wala