kya KHabar thi koi ruswa-e-jahan ho jaega
kya KHabar thi koi ruswa-e-jahan ho jaega
Sher Singh Naaz Dehlvi
MORE BYSher Singh Naaz Dehlvi
kyā ḳhabar thī koī rusvā-e-jahāñ ho jā.egā
kuchh na kahnā bhī mirā husn-e-bayāñ ho jā.egā
apne dīvāne kā tum josh-e-junūñ baḌhne to do
āstīñ dāman garebāñ dhajjiyāñ ho jā.egā
āshiq-e-jāñ-bāz haiñ ham muñh na moḌeñge kabhī
tum kamāñ se tiir chhoḌo imtihāñ ho jā.egā
TuuTī phūTī qabr bhī kar do barābar shauq se
ye bhī apnī be-nishānī kā nishāñ ho jā.egā
shādyāne baj rahe haiñ aaj jis jā 'nāz' kal
dam zadan meñ dekh lenā kyā samāñ ho jā.egā
kya KHabar thi koi ruswa-e-jahan ho jaega
kuchh na kahna bhi mera husn-e-bayan ho jaega
apne diwane ka tum josh-e-junun baDhne to do
aastin daman gareban dhajjiyan ho jaega
aashiq-e-jaan-baz hain hum munh na moDenge kabhi
tum kaman se tir chhoDo imtihan ho jaega
TuTi phuTi qabr bhi kar do barabar shauq se
ye bhi apni be-nishani ka nishan ho jaega
shadyane baj rahe hain aaj jis ja 'naz' kal
dam zadan mein dekh lena kya saman ho jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
