kya KHabar thi ranjishen hi darmiyan rah jaengi

kyā ḳhabar thī ranjisheñ hī darmiyāñ rah jā.eñgī

ham gale milte raheñge dūriyāñ rah jā.eñgī

ye nagar bhī kār-ḳhānoñ kā nagar ho jā.egā

in daraḳhtoñ kī jagah kuchh chimniyāñ rah jā.eñgī

dhīre dhīre shor sannāToñ meñ gum ho jā.egā

aur saḌkoñ par chamaktī batiyāñ rah jā.eñgī

raat jis dam apne kambal meñ chhupā legī hameñ

haath maltī aur ThiThurtī sardiyāñ rah jā.eñgī

ham ne sochā thā ki un kā haath hogā haath meñ

kyā ḳhabar thī haath meñ bas chiTThiyāñ rah jā.eñgī

ye tamāsha aur thoḌī der tak hogā abhī

phir yahāñ bas ḳhālī ḳhālī kursiyāñ rah jā.eñgī

aag thoḌī der ko bujh jā.egī lekin mizāj

raakh ke nīche dabī chingāriyāñ rah jā.eñgī

kya KHabar thi ranjishen hi darmiyan rah jaengi

hum gale milte rahenge duriyan rah jaengi

ye nagar bhi kar-KHanon ka nagar ho jaega

in daraKHton ki jagah kuchh chimniyan rah jaengi

dhire dhire shor sannaTon mein gum ho jaega

aur saDkon par chamakti batiyan rah jaengi

raat jis dam apne kambal mein chhupa legi hamein

hath malti aur ThiThurti sardiyan rah jaengi

hum ne socha tha ki un ka hath hoga hath mein

kya KHabar thi hath mein bas chiTThiyan rah jaengi

ye tamasha aur thoDi der tak hoga abhi

phir yahan bas KHali KHali kursiyan rah jaengi

aag thoDi der ko bujh jaegi lekin mizaj

rakh ke niche dabi chingariyan rah jaengi