kya koi samjhega afsana mera

kyā koī samjhegā afsāna mirā

haal hai sab se judāgāna mirā

mai pilānā hai to yuuñ saaqī pilā

ho kabhī ḳhālī na paimāna mirā

tum banā lete ho apnī dāstāñ

jab ulaT jaatā hai afsāna mirā

zarf merā merī himmat dekh kar

chuum lete haiñ vo paimāna mirā

ai 'munavvar' maiñ huuñ ik āzād mard

mashrab-o-maslak hai rindāna mirā

kya koi samjhega afsana mera

haal hai sab se judagana mera

mai pilana hai to yun saqi pila

ho kabhi KHali na paimana mera

tum bana lete ho apni dastan

jab ulaT jata hai afsana mera

zarf mera meri himmat dekh kar

chum lete hain wo paimana mera

ai 'munawwar' main hun ek aazad mard

mashrab-o-maslak hai rindana mera