kya kuchh na mujhse waqt ka ayyar le gaya

kyā kuchh na mujh se vaqt kā ayyār le gayā

rusvā.ī de ke azmat-e-kirdār le gayā

nafrat kī būd-o-bāsh se mujh ko ġharaz nahīñ

jo mere paas aa gayā vo pyaar le gayā

vo qahqahe luTā.e hai ab mere haal par

jo mere ghar se sham.a-e-ziyā-bār le gayā

bachchoñ ko kis tarah se maiñ bahlā sakūñgā aaj

bāzār ke khilaune to zardār le gayā

mere alāva kaun hai kuchh to batā.iye

jo shaḳhs ūñch-nīch kī dīvār le gayā

ahl-e-havas ko fikr ki ik bhūkā shaḳhs bhī

kaise bachā ke dāman-e-kirdār le gayā

ilzām ġhair par koī aa.e to kis liye

'shāriq' ko us kā farz sar-e-dār le gayā

kya kuchh na mujh se waqt ka ayyar le gaya

ruswai de ke azmat-e-kirdar le gaya

nafrat ki bud-o-bash se mujh ko gharaz nahin

jo mere pas aa gaya wo pyar le gaya

wo qahqahe luTae hai ab mere haal par

jo mere ghar se shama-e-ziya-bar le gaya

bachchon ko kis tarah se main bahla sakunga aaj

bazar ke khilaune to zardar le gaya

mere alawa kaun hai kuchh to bataiye

jo shaKHs unch-nich ki diwar le gaya

ahl-e-hawas ko fikr ki ek bhuka shaKHs bhi

kaise bacha ke daman-e-kirdar le gaya

ilzam ghair par koi aae to kis liye

'shaariq' ko us ka farz sar-e-dar le gaya