kya kya hui hai baat ki tahqir dekhiye

kyā kyā huī hai baat kī tahqīr dekhiye

chup-chāp kahne vaale kī tasvīr dekhiye

guzrī tamām umr to ta.amīr-e-ḳhvāb meñ

fursat kahāñ ki ḳhvāb kī ta.abīr dekhiye

sidq-e-maqāl sho.ala-e-uryāñ banā gayā

taqdīr meñ tapish hai ki tanvīr dekhiye

kyā daur hai ki lafz se ma.anī nikal ga.e

ḳhālī makāñ kī shaukat-e-ta.amīr dekhiye

jaur-o-karam kā farq hī zehnoñ se miT gayā

kyā kyā huī jafāoñ kī tafsīr dekhiye

kya kya hui hai baat ki tahqir dekhiye

chup-chap kahne wale ki taswir dekhiye

guzri tamam umr to tamir-e-KHwab mein

fursat kahan ki KHwab ki tabir dekhiye

sidq-e-maqal shoala-e-uryan bana gaya

taqdir mein tapish hai ki tanwir dekhiye

kya daur hai ki lafz se mani nikal gae

KHali makan ki shaukat-e-tamir dekhiye

jaur-o-karam ka farq hi zehnon se miT gaya

kya kya hui jafaon ki tafsir dekhiye