kya kya log KHushi se apni bikne par tayyar hue

kyā kyā log ḳhushī se apnī bikne par tayyār hue

ek hamīñ dīvāne nikle ham hī yahāñ par ḳhvār hue

pyaar ke bandhan ḳhuun ke rishte TuuT ga.e ḳhvāboñ kī tarah

jāgtī āñkheñ dekh rahī thiiñ kyā kyā kārobār hue

aap vo syāne raste ke har patthar ko but maan liyā

ham vo pāgal apnī raah meñ aap hī ḳhud dīvār hue

apnī apnī jagah par donoñ be-bas bhī masrūr bhī haiñ

tum tahrīr-e-sañg hue ham bhūlā huā iqrār hue

aane vaalī sub.h ginegī raat ke andhe tūfāñ meñ

kitne sāhil hī par Duube kitne bhañvar ke paar hue

kya kya log KHushi se apni bikne par tayyar hue

ek hamin diwane nikle hum hi yahan par KHwar hue

pyar ke bandhan KHun ke rishte TuT gae KHwabon ki tarah

jagti aankhen dekh rahi thin kya kya karobar hue

aap wo syane raste ke har patthar ko but man liya

hum wo pagal apni rah mein aap hi KHud diwar hue

apni apni jagah par donon be-bas bhi masrur bhi hain

tum tahrir-e-sang hue hum bhula hua iqrar hue

aane wali subh ginegi raat ke andhe tufan mein

kitne sahil hi par Dube kitne bhanwar ke par hue