kya qahr tha hashim jo na marta koi din aur

kyā qahr thā 'hāshim' jo na martā koī din aur

kartā tirī rahmat kā tamāshā koī din aur

be-parda ḳhavātīn kī be-rāh-ravī par

bachchoñ kī tarah phuuT ke rotā koī din aur

har sub.h ko har shaam ko makkhan kī dukāñ par

makkhan kī milāvaT pe jhagaḌtā koī din aur

har gaam mahīlāoñ se Takrātā saḌak par

kahtīñ use jhuñjhlā ke sab andhā koī din aur

har roz unheñ duur se ā.īna dikhā kar

rīshā.īlī mullāoñ pe hañstā koī din aur

miltī na charā-gāh-e-siyāsat meñ agar ghaas

maidān-e-zarāfat meñ tū chartā koī din aur

martā jo na 'hāshim' to qasam zinda-dilī kī

hotā tirī duniyā meñ tamāshā koī din aur

kya qahr tha 'hashim' jo na marta koi din aur

karta teri rahmat ka tamasha koi din aur

be-parda KHawatin ki be-rah-rawi par

bachchon ki tarah phuT ke rota koi din aur

har subh ko har sham ko makkhan ki dukan par

makkhan ki milawaT pe jhagaDta koi din aur

har gam mahilaon se Takraata saDak par

kahtin use jhunjhla ke sab andha koi din aur

har roz unhen dur se aaina dikha kar

rishaili mullaon pe hansta koi din aur

milti na chara-gah-e-siyasat mein agar ghas

maidan-e-zarafat mein tu charta koi din aur

marta jo na 'hashim' to qasam zinda-dili ki

hota teri duniya mein tamasha koi din aur