kya qusur ai arz-e-matlab hasrat-e-pur-josh ka

kyā qusūr ai arz-e-matlab hasrat-e-pur-josh kā

chashm-e-hairāñ kā gila hai yā lab-e-ḳhāmosh kā

hairat-ābād-e-tajallī meñ nahīñ us dil kā kaam

sadma-parvarda ho jo mehnat-sarā-e-hosh kā

teġh-e-qātil maiñ tire qurbāñ baḌā ehsāñ kiyā

jism baar ik ruuh kā thā sar vabāl ik dosh kā

pā-e-nāzuk ko zarā de ruḳhsat-e-mashq-e-ḳhirām

kab se taktī hai qayāmat muñh tirī pā-posh kā

hastī-e-husn-o-taġhāful-peshgī kā hai gavāh

jāñ-ba-lab honā tumhāre āshiq-e-mad.hosh kā

kam na hogā shor-e-noshā-nosh-e-sahbā vā.izo

dam salāmat chāhiye ummīd-e-sahbā-nosh kā

kya qusur ai arz-e-matlab hasrat-e-pur-josh ka

chashm-e-hairan ka gila hai ya lab-e-KHamosh ka

hairat-abaad-e-tajalli mein nahin us dil ka kaam

sadma-parwarda ho jo mehnat-sara-e-hosh ka

tegh-e-qatil main tere qurban baDa ehsan kiya

jism bar ek ruh ka tha sar wabaal ek dosh ka

pa-e-nazuk ko zara de ruKHsat-e-mashq-e-KHiram

kab se takti hai qayamat munh teri pa-posh ka

hasti-e-husn-o-taghaful-peshgi ka hai gawah

jaan-ba-lab hona tumhaare aashiq-e-madhosh ka

kam na hoga shor-e-nosha-nosh-e-sahba waizo

dam salamat chahiye ummid-e-sahba-nosh ka