kya roke qaza ke war tawiz

kyā roke qazā ke vaar ta.avīz

qil.a hai na kuchh hisār ta.avīz

choTī meñ hai mushk-bār ta.avīz

yā fitna-e-rozgār ta.avīz

donoñ ne na dard-e-dil miTāyā

ganDe kā hai rishta-dār ta.avīz

kyā nād-e-alī meñ bhī asar hai

chāroñ TukḌe haiñ chaar ta.avīz

Dartā huuñ na sub.h ho shab-e-vasl

hai mahr vo zar-nigār ta.avīz

ham ko bhī ho kuchh umīd-e-taskīñ

kho.e jo tap-e-ḳhayār ta.avīz

pattāñ ko jaḌ hamārī pahuñchī

gaaḌā tah-e-pā-e-yār ta.avīz

hājat nahīñ un ko nau-ratan kī

baazū pe haiñ pāñch chaar ta.avīz

khaTke vo na aa.e fātih.e ko

dekhā jo sar-e-mazār ta.avīz

pī jā.eñge ghol kar kise aap

hai naqsh na ḳhāksār ta.avīz

ai turk Taleñ balā.eñ sar se

ik teġh kā ḳhat-e-hazār ta.avīz

Dar hai tumheñ kanknoñ se lāzim

laayā to hai sāda-kār ta.avīz

iksīr kā nusḳha is ko samjhūñ

kho.e jo tirā ġhubār ta.avīz

majma.a hai 'amīr' kī lahad par

mele kā hai ishtihār ta.avīz

kya roke qaza ke war tawiz

qila hai na kuchh hisar tawiz

choTi mein hai mushk-bar tawiz

ya fitna-e-rozgar tawiz

donon ne na dard-e-dil miTaya

ganDe ka hai rishta-dar tawiz

kya nad-e-ali mein bhi asar hai

chaaron TukDe hain chaar tawiz

Darta hun na subh ho shab-e-wasl

hai mahr wo zar-nigar tawiz

hum ko bhi ho kuchh umid-e-taskin

khoe jo tap-e-KHayar tawiz

pattan ko jaD hamari pahunchi

gaDa tah-e-pa-e-yar tawiz

hajat nahin un ko nau-ratan ki

bazu pe hain panch chaar tawiz

khaTke wo na aae fatihe ko

dekha jo sar-e-mazar tawiz

pi jaenge ghol kar kise aap

hai naqsh na KHaksar tawiz

ai turk Talen balaen sar se

ek tegh ka KHat-e-hazar tawiz

Dar hai tumhein kanknon se lazim

laya to hai sada-kar tawiz

iksir ka nusKHa is ko samjhun

khoe jo tera ghubar tawiz

majma hai 'amir' ki lahad par

mele ka hai ishtihaar tawiz