kya sab usne sun kar an-suna kya

kyā sab us ne sun kar an-sunā kyā

vo ḳhud meñ is qadar thā mubtalā kyā

maiñ huuñ guzrā huā sā ek lamha

mire haq meñ duā kyā bad-duā kyā

kiran aa.ī kahāñ se raushnī kī

añdhere meñ koī jugnū jalā kyā

musāfir sab palaT kar aa rahe haiñ

vahāñ se band hai har rāsta kyā

maiñ ik muddat se ḳhud hī gum-shuda huuñ

batā.ūñ aap ko apnā patā kyā

ye mahfil do dhaḌoñ meñ baT ga.ī hai

zarā pūchho hai kis kā mudda.ā kyā

mohabbat rahguzar hai kahkashāñ sī

so is meñ ibtidā kyā intihā kyā

kya sab us ne sun kar an-suna kya

wo KHud mein is qadar tha mubtala kya

main hun guzra hua sa ek lamha

mere haq mein dua kya bad-dua kya

kiran aai kahan se raushni ki

andhere mein koi jugnu jala kya

musafir sab palaT kar aa rahe hain

wahan se band hai har rasta kya

main ek muddat se KHud hi gum-shuda hun

bataun aap ko apna pata kya

ye mahfil do dhaDon mein baT gai hai

zara puchho hai kis ka muddaa kya

mohabbat rahguzar hai kahkashan si

so is mein ibtida kya intiha kya