kya wasl ke iqrar pe mujhko ho KHushi aaj
kyā vasl ke iqrār pe mujh ko ho ḳhushī aaj
is kī bhī ye sūrat hai kabhī kal hai kabhī aaj
vo haath meñ talvār liye sar pe khaḌe haiñ
marne nahīñ detī mujhe marne kī ḳhushī aaj
milnā jo na ho tum ko to kah do na mileñge
ye kyā kabhī parsoñ hai kabhī kal hai kabhī aaj
kyā baat hai chhuptī hī nahīñ baat hamārī
jo un se kahī thī vo raqīboñ se sunī aaj
surḳhī bhī hai āñkhoñ meñ qadam ko bhī hai laġhzish
chhup kar kahīñ ai 'nūh' zarūr aap ne pī aaj
kya wasl ke iqrar pe mujh ko ho KHushi aaj
is ki bhi ye surat hai kabhi kal hai kabhi aaj
wo hath mein talwar liye sar pe khaDe hain
marne nahin deti mujhe marne ki KHushi aaj
milna jo na ho tum ko to kah do na milenge
ye kya kabhi parson hai kabhi kal hai kabhi aaj
kya baat hai chhupti hi nahin baat hamari
jo un se kahi thi wo raqibon se suni aaj
surKHi bhi hai aankhon mein qadam ko bhi hai laghzish
chhup kar kahin ai 'nuh' zarur aap ne pi aaj
- Book : Intekhab-e-Sukhan(Jild-2) (Pg. 140)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
