kyon farq kiye baiThe ho is ka hai sabab kya

kyoñ farq kiye baiThe ho is kā hai sabab kyā

haiñ asl meñ sab ek ajam kyā hai arab kyā

mumkin ho agar tum se to kirdār sañvāro

kaam aatā hai mahshar meñ koī nām-o-nasab kyā

tū ne nazar-andāz kyā ham ko hamesha

ham ne tirī mahfil ko jo chhoḌā to ajab kyā

ye mausam-e-gul maanā ki taskīñ kā sabab hai

Dhātā tumheñ mausam yahī is dil pe ġhazab kyā

ehsās-e-tamannā hī mire dil se miTā do

jab ġham nahīñ matlūb to ḳhushiyoñ kī talab kyā

phir ham se koī 'tāj' yahī pūchh rahā hai

barbādī-e-gulshan meñ hai poshīda sabab kyā

kyon farq kiye baiThe ho is ka hai sabab kya

hain asl mein sab ek ajam kya hai arab kya

mumkin ho agar tum se to kirdar sanwaro

kaam aata hai mahshar mein koi nam-o-nasab kya

tu ne nazar-andaz kya hum ko hamesha

hum ne teri mahfil ko jo chhoDa to ajab kya

ye mausam-e-gul mana ki taskin ka sabab hai

Dhata tumhein mausam yahi is dil pe ghazab kya

ehsas-e-tamanna hi mere dil se miTa do

jab gham nahin matlub to KHushiyon ki talab kya

phir hum se koi 'taj' yahi puchh raha hai

barbaadi-e-gulshan mein hai poshida sabab kya