kyon KHush hai us ka KHat jo tere nam aa gaya

kyoñ ḳhush hai us kā ḳhat jo tire naam aa gayā

kyā āsmān se koī paiġhām aa gayā

taklīf duur ho ga.ī ārām aa gayā

marnā taḌap taḌap ke mirā kaam aa gayā

hone do jitnī laġhzish-e-mastāna ho sake

aane do Thokaroñ meñ agar jaam aa gayā

duniyā meñ aane vaale kī taqsīr kuchh nahīñ

duniyā se jaane vaale pe ilzām aa gayā

jaate haiñ vaz’-dār kahīñ chhoḌ kar qafas

aane do gar bahār kā paiġhām aa gayā

tū bhī to ai musāfir-e-hastī qayām kar

manzil pe āftāb sar-e-shām aa gayā

sab kuchh tasavvurāt meñ aatā hai ab nazar

ai 'qadr' apnā zauq-e-nazar kaam aa gayā

kyon KHush hai us ka KHat jo tere nam aa gaya

kya aasman se koi paigham aa gaya

taklif dur ho gai aaram aa gaya

marna taDap taDap ke mera kaam aa gaya

hone do jitni laghzish-e-mastana ho sake

aane do Thokaron mein agar jam aa gaya

duniya mein aane wale ki taqsir kuchh nahin

duniya se jaane wale pe ilzam aa gaya

jate hain waz’-dar kahin chhoD kar qafas

aane do gar bahaar ka paigham aa gaya

tu bhi to ai musafir-e-hasti qayam kar

manzil pe aaftab sar-e-sham aa gaya

sab kuchh tasawwuraat mein aata hai ab nazar

ai 'qadr' apna zauq-e-nazar kaam aa gaya