kyon na ai dil jafa kare koi

kyoñ na ai dil jafā kare koī

rasm-e-ulfat hai kyā kare koī

laakh naala kiyā kare koī

nahīñ mumkin rihā kare koī

jab na baaqī ho quvvat-e-parvāz

kyā sitam hai rihā kare koī

maraz-e-ishq kā ilaaj nahīñ

kyā dil-e-mubtalā kare koī

dekh le tujh ko phir kahāñ mumkin

ḳhvāhish-e-mā-sivā kare koī

zabt-e-ġham kā hameñ bhī da.avā hai

hai jo zālim huā kare koī

dard-e-ulfat hai zindagī merī

ye samajh kar davā kare koī

zāt-e-vāhid hai paikar-e-insāf

us kī tārīf kyā kare koī

jalva-farmā kahāñ nahīñ vo 'salīm'

dīda-e-dil to vā kare koī

kyon na ai dil jafa kare koi

rasm-e-ulfat hai kya kare koi

lakh nala kiya kare koi

nahin mumkin riha kare koi

jab na baqi ho quwwat-e-parwaz

kya sitam hai riha kare koi

maraz-e-ishq ka ilaj nahin

kya dil-e-mubtala kare koi

dekh le tujh ko phir kahan mumkin

KHwahish-e-ma-siwa kare koi

zabt-e-gham ka hamein bhi dawa hai

hai jo zalim hua kare koi

dard-e-ulfat hai zindagi meri

ye samajh kar dawa kare koi

zat-e-wahid hai paikar-e-insaf

us ki tarif kya kare koi

jalwa-farma kahan nahin wo 'salim'

dida-e-dil to wa kare koi