kyon shor machate ho be-kar mein pahle se

kyoñ shor machāte ho be-kār meñ pahle se

jab jhuuT hī chhaptā hai aḳhbār meñ pahle se

hotā hai yahī sab kuchh sansār meñ pahle se

biktī hai mohabbat bhī bāzār meñ pahle se

ham log samajhte the ki ham haiñ yahāñ avval

kuchh log chune paa.e dīvār meñ pahle se

bas haath se chhūne par mahsūs tumheñ hogā

soyā hai koī dariyā añgār meñ pahle se

phailā to lahar ban kar ākāsh ko chhū aayā

qatra hī samundar thā ākār meñ pahle se

duniyā ke sabhī parvat kyā rok sake us ko

āvāz hī rahtī hai raftār meñ pahle se

hālāt havā ban kar sho.ale meñ badalte haiñ

ik aag to hotī hai fan-kār meñ pahle se

kyon shor machate ho be-kar mein pahle se

jab jhuT hi chhapta hai aKHbar mein pahle se

hota hai yahi sab kuchh sansar mein pahle se

bikti hai mohabbat bhi bazar mein pahle se

hum log samajhte the ki hum hain yahan awwal

kuchh log chune pae diwar mein pahle se

bas hath se chhune par mahsus tumhein hoga

soya hai koi dariya angar mein pahle se

phaila to lahar ban kar aakash ko chhu aaya

qatra hi samundar tha aakar mein pahle se

duniya ke sabhi parwat kya rok sake us ko

aawaz hi rahti hai raftar mein pahle se

haalat hawa ban kar shoale mein badalte hain

ek aag to hoti hai fan-kar mein pahle se