kyun asir-e-gesu-e-KHam-dar-e-qatil ho gaya
kyuuñ asīr-e-gesū-e-ḳham-dār-e-qātil ho gayā
haa.e kyā baiThe-biThā.e tujh ko ai dil ho gayā
koī nālāñ koī giryāñ koī bismil ho gayā
us ke uThte hī digar-gūñ rang-e-mahfil ho gayā
intizār us gul kā is darja kiyā gulzār meñ
nuur āḳhir dīda-e-nargis kā zaa.il ho gayā
us ne talvāreñ lagā.īñ aise kuchh andāz se
dil kā har armāñ fidā-e-dast-e-qātil ho gayā
qais-e-majnūñ kā tasavvur baḌh gayā jab najd meñ
har bagūla dasht kā lailā-e-mahmil ho gayā
ye bhī qaidī ho gayā āḳhir kamand-e-zulf kā
le asīroñ meñ tire 'āzād' shāmil ho gayā
kyun asir-e-gesu-e-KHam-dar-e-qatil ho gaya
hae kya baiThe-biThae tujh ko ai dil ho gaya
koi nalan koi giryan koi bismil ho gaya
us ke uThte hi digar-gun rang-e-mahfil ho gaya
intizar us gul ka is darja kiya gulzar mein
nur aaKHir dida-e-nargis ka zail ho gaya
us ne talwaren lagain aise kuchh andaz se
dil ka har arman fida-e-dast-e-qatil ho gaya
qais-e-majnun ka tasawwur baDh gaya jab najd mein
har bagula dasht ka laila-e-mahmil ho gaya
ye bhi qaidi ho gaya aaKHir kamand-e-zulf ka
le asiron mein tere 'azad' shamil ho gaya
- Book : muntakhab sho'raa (Pg. pdf)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
