kyun baiTh gae ghubar se hum

kyuuñ baiTh ga.e ġhubār se ham

kuchh kah na sake bahār se ham

ye zindagī umr bhar kā ronā

ghabrā ga.e intizār se ham

vo jabr kī lazzatoñ kā aalam

baaz aa.e is iḳhtiyār se ham

hañste haiñ ki hañs sake zamāna

ḳhush haiñ to is e'tibār se ham

yuuñ bhī to sukūñ milā hai barsoñ

phirte rahe be-qarār se ham

vo lamha hai aaj tak gurezāñ

jab tum se the ham-kanār se ham

ab āḳhir-e-shab 'nazar' hai shāyad

phir jaise haiñ hoshiyār se ham

kyun baiTh gae ghubar se hum

kuchh kah na sake bahaar se hum

ye zindagi umr bhar ka rona

ghabra gae intizar se hum

wo jabr ki lazzaton ka aalam

baz aae is iKHtiyar se hum

hanste hain ki hans sake zamana

KHush hain to is e'tibar se hum

yun bhi to sukun mila hai barson

phirte rahe be-qarar se hum

wo lamha hai aaj tak gurezan

jab tum se the ham-kanar se hum

ab aaKHir-e-shab 'nazar' hai shayad

phir jaise hain hoshiyar se hum