kyun har uruj ko yahan aaKHir zawal hai
kyuuñ har uruuj ko yahāñ āḳhir zavāl hai
socheñ agar to sirf yahī ik savāl hai
bālā-e-sar falak hai to zer-e-qadam hai ḳhaak
us be-niyāz ko mirā kitnā ḳhayāl hai
lamha yahī jo is ghaḌī aalam pe hai muhīt
hone kī is jahān meñ tanhā misāl hai
āḳhir huī shikast to apnī zamīn par
apne badan se merā nikalnā muhāl hai
sūraj hai raushnī kī kiran is jagah 'malāl'
vus.at meñ kā.enāt añdhere kā jaal hai
kyun har uruj ko yahan aaKHir zawal hai
sochen agar to sirf yahi ek sawal hai
baala-e-sar falak hai to zer-e-qadam hai KHak
us be-niyaz ko mera kitna KHayal hai
lamha yahi jo is ghaDi aalam pe hai muhit
hone ki is jahan mein tanha misal hai
aaKHir hui shikast to apni zamin par
apne badan se mera nikalna muhaal hai
suraj hai raushni ki kiran is jagah 'malal'
wusat mein kaenat andhere ka jal hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
