kyun kahun qamat ko tere ai but-e-raana alif

kyuuñ kahūñ qāmat ko tere ai but-e-rā.anā alif

aur kuchh ḳhūbī nahīñ rakhtā hai ik sīdhā alif

jaisā hai us barhaman zaade ke qashqe kā alif

likh nahīñ saktā hai koī ḳhush-navīs aisā alif

jab se dī ta.alīm-e-girya ūstād-e-ishq ne

taḳhta-e-sīna pe tifl-e-ashk ne khīñchā alif

vasf-benī meñ ye kyā misra.a zabāñ par aa gayā

us kī biinī hai buland aur us se hai chhoTā alif

gard hai naqsh-o-nigār-e-chīn un ke rū-ba-rū

haiñ ridā-e-faqr par is tarah ke zebā alif

qatl ko āshiq ke añgusht-e-ishārat kar buland

terī añgusht-e-ishārat hai shahādat kā alif

sar-kashī kartā hai yuuñ har aan merā nafs-e-shūm

jis tarah se dam-ba-dam ho jaa.e hai ghoḌā alif

itne par bhī zāt-e-vāhid se haiñ ġhāfil nāqisāñ

khiñch rahā hai mū-e-tan se tan pe sar-tā-pā alif

kyun kahun qamat ko tere ai but-e-raana alif

aur kuchh KHubi nahin rakhta hai ek sidha alif

jaisa hai us barhaman zade ke qashqe ka alif

likh nahin sakta hai koi KHush-nawis aisa alif

jab se di talim-e-girya ustad-e-ishq ne

taKHta-e-sina pe tifl-e-ashk ne khincha alif

wasf-beni mein ye kya misra zaban par aa gaya

us ki bini hai buland aur us se hai chhoTa alif

gard hai naqsh-o-nigar-e-chin un ke ru-ba-ru

hain rida-e-faqr par is tarah ke zeba alif

qatl ko aashiq ke angusht-e-ishaarat kar buland

teri angusht-e-ishaarat hai shahadat ka alif

sar-kashi karta hai yun har aan mera nafs-e-shum

jis tarah se dam-ba-dam ho jae hai ghoDa alif

itne par bhi zat-e-wahid se hain ghafil naqisan

khinch raha hai mu-e-tan se tan pe sar-ta-pa alif