kyunkar gali mein isko main ai ham-rahan rahun

kyūñkar galī meñ is kī maiñ ai ham-rahāñ rahūñ

is ārzu-e-dil pe hai vaañ to na ''hāñ'' na ''hūñ''

paatā huuñ maiñ jahāñ use hote haiñ vaañ muḳhil

hairāñ huuñ ab ki rāz-e-dil us se kahāñ kahūñ

bas band kar zabāñ ki sune ai zabāñ-darāz

kab tak tirī zabāñ se koī kam zabāñ-zubūñ

shahr-e-tarab se shakl-e-gunahgār dil mirā

āḳhir huā ba-dostī-e-dil-barāñ barūñ

zāhir hai qatl-e-āshiq-e-muztar ki ḳhuuñ se surḳh

hai qasr-e-ḳhāna kā tire ai dil-sitāñ sutūñ

qaa.il ba-dil huuñ tab amal-e-hub kā maiñ ki jab

us shoḳh se ba-jadd-o-kad-e-a.amilāñ milūñ

be-yār jab lage mujhe zindāñ se ghar batar

barbād kyūñki ishq meñ phir ḳhāndāñ na duuñ

kyā ḳhaak āb-dārī-e-teġh us se ho ki hai

vo chashm-e-surma-sā jo ba-sañg-e-fasāñ fusūñ

'jur.at' zi-bas haiñ ahl-e-jahāñ harf-e-nā-shunū

dāḳhil suḳhan maiñ kyūñki ba-gosh-e-girāñ karūñ

kyunkar gali mein is ki main ai ham-rahan rahun

is aarzu-e-dil pe hai wan to na han na hun

pata hun main jahan use hote hain wan muKHil

hairan hun ab ki raaz-e-dil us se kahan kahun

bas band kar zaban ki sune ai zaban-daraaz

kab tak teri zaban se koi kam zaban-zubun

shahr-e-tarab se shakl-e-gunahgar dil mera

aaKHir hua ba-dosti-e-dil-baran barun

zahir hai qatl-e-ashiq-e-muztar ki KHun se surKH

hai qasr-e-KHana ka tere ai dil-sitan sutun

qail ba-dil hun tab amal-e-hub ka main ki jab

us shoKH se ba-jadd-o-kad-e-amilan milun

be-yar jab lage mujhe zindan se ghar batar

barbaad kyunki ishq mein phir KHandan na dun

kya KHak aab-dari-e-tegh us se ho ki hai

wo chashm-e-surma-sa jo ba-sang-e-fasan fusun

'jurat' zi-bas hain ahl-e-jahan harf-e-na-shunu

daKHil suKHan main kyunki ba-gosh-e-giran karun