kyunki hum duniya mein aae kuchh sabab khulta nahin
kyunki hum duniya mein aae kuchh sabab khulta nahin
Bahadur Shah Zafar
MORE BYBahadur Shah Zafar
kyūñki ham duniyā meñ aa.e kuchh sabab khultā nahīñ
ik sabab kyā bhed vaañ kā sab kā sab khultā nahīñ
pūchhtā hai haal bhī gar vo to maare sharm ke
ġhuncha-e-tasvīr ke mānind lab khultā nahīñ
shāhid-e-maqsūd tak pahuñcheñge kyūñkar dekhiye
band hai bāb-e-tamannā hai ġhazab khultā nahīñ
band hai jis ḳhāna-e-zindāñ meñ dīvāna terā
us kā darvāza parī-rū roz o shab khultā nahīñ
dil hai ye ġhuncha nahīñ hai is kā uqda ai sabā
kholne kā jab talak aave na Dhab khultā nahīñ
ishq ne jin ko kiyā ḳhātir-girafta un kā dil
laakh hove garche sāmān-e-tarab khultā nahīñ
kis tarah mālūm hove us ke dil kā mudda.ā
mujh se bātoñ meñ 'zafar' vo ġhuncha-lab khultā nahīñ
kyunki hum duniya mein aae kuchh sabab khulta nahin
ek sabab kya bhed wan ka sab ka sab khulta nahin
puchhta hai haal bhi gar wo to mare sharm ke
ghuncha-e-taswir ke manind lab khulta nahin
shahid-e-maqsud tak pahunchenge kyunkar dekhiye
band hai bab-e-tamanna hai ghazab khulta nahin
band hai jis KHana-e-zindan mein diwana tera
us ka darwaza pari-ru roz o shab khulta nahin
dil hai ye ghuncha nahin hai is ka uqda ai saba
kholne ka jab talak aawe na Dhab khulta nahin
ishq ne jin ko kiya KHatir-girafta un ka dil
lakh howe garche saman-e-tarab khulta nahin
kis tarah malum howe us ke dil ka muddaa
mujh se baaton mein 'zafar' wo ghuncha-lab khulta nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
