la-makan lag aashiqan ke ishq ka parwaz hai

lā-makāñ lag āshiqāñ ke ishq kā parvāz hai

āsmān aur arsh-o-kursī un kā pā-andāz hai

ik tafakkur un kā afzal az-tā.at-e-hafta-o-sāl

sab ḳhalā.iq par unhoñ kā is sabab e.azāz hai

ālimāñ aur ābidāñ kī bandagī sab qīl-o-qāl

āshiqāñ ke dil meñ raushan jo ki maḳhfī raaz hai

mūtū-qabla-an-tamūtū haal hai ushshāq kā

ālimāñ ke gosh meñ us harf kā āvāz hai

bul-havas ko sham.a se dil bāñdhnā mumkin nahīñ

āshiqāñ kā is sabab zāhid sadā aġhmāz hai

ḳhair o shar suuñ āshiqāñ be-dil nahīñ aur būjhte

rañj o rāhat ishq meñ ma.ashūq kā sab naaz hai

Tal ga.e is ma.arke suuñ ka.ī hazārāñ ai 'alīm'

jo rahā so naam us kā āshiq-e-jāñ-bāz hai

la-makan lag aashiqan ke ishq ka parwaz hai

aasman aur arsh-o-kursi un ka pa-andaz hai

ek tafakkur un ka afzal az-taat-e-hafta-o-sal

sab KHalaiq par unhon ka is sabab eazaz hai

aaliman aur aabidan ki bandagi sab qil-o-qal

aashiqan ke dil mein raushan jo ki maKHfi raaz hai

mutu-qabla-an-tamutu haal hai ushshaq ka

aaliman ke gosh mein us harf ka aawaz hai

bul-hawas ko shama se dil bandhna mumkin nahin

aashiqan ka is sabab zahid sada aghmaz hai

KHair o shar sun aashiqan be-dil nahin aur bujhte

ranj o rahat ishq mein mashuq ka sab naz hai

Tal gae is marke sun kai hazaran ai 'alim'

jo raha so nam us ka aashiq-e-jaan-baz hai