la-makan-o-makan bolta hai

lā-makāñ-o-makāñ boltā hai

jaise saarā jahān boltā hai

kyoñ haiñ ahl-e-zabān mohr-ba-lab

kyā koī be-zabān boltā hai

koī suntā nahīñ kisī kī har ik

apnī apnī zabān boltā hai

laakh gard-e-safar rahe ḳhāmosh

rahguzar kā nishān boltā hai

saarī mahfil dhuāñ dhuāñ sī huī

kaun sho.ala-bayān boltā hai

ḳhushk dhartī bhī chup nahīñ rahtī

jab kabhī āsmān boltā hai

vahm hai ik umīd-e-sub.h-e-tarab

mujh se merā gumān boltā hai

āsmāñ tak hai gosh-bar-āvāz

kaun ye darmiyān boltā hai

rañg-e-ruḳh be-zabāñ sahī 'at.har'

dil kā hai tarjumān boltā hai

la-makan-o-makan bolta hai

jaise sara jahan bolta hai

kyon hain ahl-e-zaban mohr-ba-lab

kya koi be-zaban bolta hai

koi sunta nahin kisi ki har ek

apni apni zaban bolta hai

lakh gard-e-safar rahe KHamosh

rahguzar ka nishan bolta hai

sari mahfil dhuan dhuan si hui

kaun shoala-bayan bolta hai

KHushk dharti bhi chup nahin rahti

jab kabhi aasman bolta hai

wahm hai ek umid-e-subh-e-tarab

mujh se mera guman bolta hai

aasman tak hai gosh-bar-awaz

kaun ye darmiyan bolta hai

rang-e-ruKH be-zaban sahi 'athar'

dil ka hai tarjuman bolta hai