lahut par na dekhen jo qudsiyan tamasha

lāhūt par na dekheñ jo qudsiyāñ tamāshā

so ham ko hai dikhātā ishq-e-butāñ tamāshā

Tuk kiije chashm-e-dil se yaañ sair mai-kade kī

haigā ajab maze kā pīr-e-muġhāñ tamāshā

jis ne sune ye mere ash.ār ḳhush ho bolā

nām-e-ḳhudā hai to kuchh ai naujavāñ tamāshā

allāh rī fasāhat allāh rī balāġhat

aisā kahāñ jhamakḌā aisā kahāñ tamāshā

shoḳhī adā so aisī josh-o-ḳharosh itnā

bandish dhuāñ so ye aur tarz-e-bayāñ tamāshā

dīvān saiñkaḌoñ haiñ ham ne to dekhe lekin

in meñ nazar paḌā kab paayā jo yaañ tamāshā

kyā ḳhuub vaah māshā-allāh hai ajab kuchh

dīvān-e-mīr inshā-'allāh' ḳhaañ tamāshā

lahut par na dekhen jo qudsiyan tamasha

so hum ko hai dikhata ishq-e-butan tamasha

Tuk kije chashm-e-dil se yan sair mai-kade ki

haiga ajab maze ka pir-e-mughan tamasha

jis ne sune ye mere ashaar KHush ho bola

nam-e-KHuda hai to kuchh ai naujawan tamasha

allah ri fasahat allah ri balaghat

aisa kahan jhamakDa aisa kahan tamasha

shoKHi ada so aisi josh-o-KHarosh itna

bandish dhuan so ye aur tarz-e-bayan tamasha

diwan sainkaDon hain hum ne to dekhe lekin

in mein nazar paDa kab paya jo yan tamasha

kya KHub wah masha-allah hai ajab kuchh

diwan-e-mir insha-'allah' KHan tamasha