lai phir ek laghzish-e-mastana tere shahr mein

laa.ī phir ik laġhzish-e-mastāna tere shahr meñ

phir baneñgī masjideñ mai-ḳhāna tere shahr meñ

aaj phir TūTeñgī tere ghar kī nāzuk khiḌkiyāñ

aaj phir dekhā gayā dīvāna tere shahr meñ

jurm hai terī galī se sar jhukā kar lauTnā

kufr hai pathrāv se ghabrānā tere shahr meñ

shah-nāme likkhe haiñ khañDarāt kī har iiñT par

har jagah hai dafn ik afsāna tere shahr meñ

kuchh kanīzeñ jo harīm-e-nāz meñ haiñ bāryāb

māñgtī haiñ jaan o dil nazrāna tere shahr meñ

nañgī saḌkoñ par bhaTak kar dekh jab martī hai raat

reñgtā hai har taraf vīrāna tere shahr meñ

lai phir ek laghzish-e-mastana tere shahr mein

phir banengi masjiden mai-KHana tere shahr mein

aaj phir TuTengi tere ghar ki nazuk khiDkiyan

aaj phir dekha gaya diwana tere shahr mein

jurm hai teri gali se sar jhuka kar lauTna

kufr hai pathraw se ghabrana tere shahr mein

shah-name likkhe hain khanDaraat ki har inT par

har jagah hai dafn ek afsana tere shahr mein

kuchh kanizen jo harim-e-naz mein hain baryab

mangti hain jaan o dil nazrana tere shahr mein

nangi saDkon par bhaTak kar dekh jab marti hai raat

rengta hai har taraf virana tere shahr mein