lakh aawara sahi shahron ke fuTpathon pe hum

laakh āvāra sahī shahroñ ke fuTpāthoñ pe ham

laash ye kis kī liye phirte haiñ in hāthoñ pe ham

ab unhīñ bātoñ ko sunte haiñ to aatī hai hañsī

be-tarah īmān le aa.e the jin bātoñ pe ham

koī bhī mausam ho dil kī aag kam hotī nahīñ

muft kā ilzām rakh dete haiñ barsātoñ pe ham

zulf se chhantī huī us ke badan kī tābisheñ

hañs diyā karte the aksar chāñdnī rātoñ pe ham

ab unheñ pahchānte bhī sharm aatī hai hameñ

faḳhr karte the kabhī jin kī mulāqātoñ pe ham

lakh aawara sahi shahron ke fuTpathon pe hum

lash ye kis ki liye phirte hain in hathon pe hum

ab unhin baaton ko sunte hain to aati hai hansi

be-tarah iman le aae the jin baaton pe hum

koi bhi mausam ho dil ki aag kam hoti nahin

muft ka ilzam rakh dete hain barsaton pe hum

zulf se chhanti hui us ke badan ki tabishen

hans diya karte the aksar chandni raaton pe hum

ab unhen pahchante bhi sharm aati hai hamein

faKHr karte the kabhi jin ki mulaqaton pe hum