lakh Takraate phiren hum sar dar-o-diwar se

laakh Takrāte phireñ ham sar dar-o-dīvār se

jī ki bhartā hī nahīñ hai lazzat-e-āzār se

kuchh to ghar vāloñ ne ham ko kar diyā ma.azūr sā

aur kuchh ham fitratan uktā ga.e ghar-bār se

yak-ba-yak aisī bhī sab par kyā qayāmat aa ga.ī

shahr ke sab log kyuuñ lagne lage bīmār se

tere sapnoñ kī vo duniyā kyā huī us ko bhī dekh

ho chukī haiñ nam bahut āñkheñ uThā aḳhbār se

muntazir thā Dūbne vaale kā koī to zarūr

ik sadā aa.ī thī us ke naam dariyā paar se

sab se achchhā to yahī ''ġhālib'' tirā jām-e-sifāl

TuuT bhī jaa.e to phir le aa.iye bāzār se

lakh Takraate phiren hum sar dar-o-diwar se

ji ki bharta hi nahin hai lazzat-e-azar se

kuchh to ghar walon ne hum ko kar diya mazur sa

aur kuchh hum fitratan ukta gae ghar-bar se

yak-ba-yak aisi bhi sab par kya qayamat aa gai

shahr ke sab log kyun lagne lage bimar se

tere sapnon ki wo duniya kya hui us ko bhi dekh

ho chuki hain nam bahut aankhen uTha aKHbar se

muntazir tha Dubne wale ka koi to zarur

ek sada aai thi us ke nam dariya par se

sab se achchha to yahi ghaalib tera jam-e-sifal

TuT bhi jae to phir le aaiye bazar se